Սիլիկյան բնակատեղիի պեղումները (տարիքը՝ 15000 տարեկան)

Ապրիլի 3-ին Հայաստանի Ճարտարապետության և շինարարության ազգային համալսարանում տեղի ունեցավ «Քարահունջ մշակութային հայագիտական կենտրոն»-ի 79-րդ հանդիպումը:

Թեման՝ «ՀՀ ԿԳՄՍ նախարարության Պատմամշակութային ժառանգության գիտահետազոտական կենտրոնի 2025 թ․ իրականացրած պեղումների էական արդյունքները (Սիլիկյան թաղամասի նախախեցեգործական նոր քարի դարի նորահայտ բնակատեղի, Աղավնատուն՝ դամբարաններ և ժայռապատկերներ)․ նորահայտումներ, խնդիրներ, արմատացած տեսակետների վերլուծումներ, պատմամշակութային նոր մեկնաբանություններ»։

Բանախոս՝ Հակոբ Սիմոնյան, Արվեստագիտության դոկտոր, պրոֆեսոր, պատմական գիտությունների թեկնածու, մշակույթի վաստակավոր գործիչ։ Ղեկավարել է նաև Շենգավթի,Աղցքի հայոց արքաների դամբարանի, Կարմիր Բլուրի դամբարանադաշտի, Ծիծեռնավանքի, Ներին Նավերի և բազմաթիվ այլ հնավայրերի պեղումները։

Խոսեցինք հիմնականում Սիլիկյան թաղամասի բացահայտումների մասին, որտեղ գրանցվել են արտառոց արդյունքներ՝ այն Արաքս գետից հյուսիս ընկած ամենահնագույն բնակատեղին է՝ 15000 տարվա վաղեմության:

Հանդիպման տեսագրությունը մեր Youtube-յան էջում՝
https://www.youtube.com/watch?v=C4nzt5mDUmA