«Կիլիկիա» առագաստանավը

2022 թ. դեկտեմբերի 9-ին կայացավ «Քարահունջ հայագիտական կենտրոն»-ի հերթական հանդիպումը:

Մենք հյուրընկալեցինք «ԿԻԼԻԿԻԱ» առագաստանավի նավապետ, "ԱՅԱՍ" ծովային հետազոտությունների ակումբի նախագահ Կարեն Բալայանին։

20 տարի առաջ կառուցվեց «Կիլիկիա» առագաստանավը՝ Կիլիկիաի առևտրական նավերի ճիշտ կրկնորինակը: Համարձակ միտք, երազանք, որի իրականացումը տևեց 17 տարի՝ 6 տարի նախապատրաստական աշխատանքներ և 11 տարի շինարարություն:

Դա մի մեծ իրադարձություն էր ողջ աշխարհի հայության համար, այն յուրաքանչյուրիս ուրախություն և հպարտություն պարգևեց, քանզի 800 տարի անց հայկական դրոշով նավը մեկնեց մեծ նավարկության, անցնելով 28 հազար կմ, հանգրվանելով 25 երկիր և 63 նավահանգիստ:

Հանդիպմանը ներկա էին նաև առագաստանավի բոցման Գրիգոր Բեգլարյանը և անձնակազմի այլ անդամները:

Հանդիպման տեսագրությունը մեր Youtube-յան էջում՝

https://www.youtube.com/watch?v=s07Lr0j3aWY